Fáilte go dtí an próiseas le hiarratas a dhéanamh ar Scéim Chomhairle Cathrach na Gaillimhe chun Aghaidh Siopaí a Fheabhsú. Tá Comhairle Cathrach na Gaillimhe dícheallach i dtaobh feabhas a bhaint amach ar na limistéir thráchtála sa dúiche ó thaobh cuma agus beochta de. Faoin Scéim chun Aghaidh Siopaí a Fheabhsú, tugtar cúnamh airgid do ghnólachtaí cáilithe chun aghaidh a bhfoirgnimh a fheabhsú. Agus muid ag tacú leis an dearadh ar ardchaighdeán agus ag léiriú meas ar na tréithe a bhaineann go speisialta le Gaillimh, is é is aidhm dúinn áit níos tarraingtí a fhorbairt do mhuintir na háite, do chuairteoirí agus do ghnólachtaí. Chun críocha na scéime seo, tá sé riachtanach go mbeidh áitreabh ag gnólachtaí incháilithe a thugann aghaidh ar an tsráid. Cuirtear urlár na talún agus aon urláir uachtaracha bhainteacha eile san áireamh i gcás aghaidh siopaí.

Má tá siad le bheith i dteideal maoiniú a fháil faoin scéim seo in 2025, ní mór d'iarratasóirí na riachtanais seo a leanas a chomhlíonadh:

• Níl incháilithe le hiarratas a dhéanamh ach gnólachtaí a bhfuil áitreabh acu a thugann aghaidh ar an tsráid agus atá ag obair san earnáil Miondíola nó san earnáil Fáilteachais. Ní dhéanfar iarratais ó ghnólachtaí lasmuigh de na hearnálacha seo a mheas.
• Tá sé riachtanach go mbeidh na gnólachtaí suite laistigh de na teorainneacha a bhaineann leis na trí cinn de Limistéir Caomhantais Ailtireachta (LCA) seo a leanas, atá ainmnithe mar LCA i bPlean Forbartha na Gaillimhe, 2023 – 2029, agus mar atá leagtha amach sna léarscáileanna atá i ndeireadh cháipéis na dtreoirlínte (LCA Chroí na Cathrach, LCA Shráid Dhoiminic Íochtarach agus LCA na Faiche Móire).
• Is riachtanach gur gnólacht, ionad fáilteachais nó soláthraí seirbhíse neamhspleách atá ann (níl siopaí sraithe ná gnólachtaí saincheadúnais san áireamh sa scéim). Is gá gurb é an t-iarratasóir úinéir nó léas-sealbhóir (agus cead scríofa ón úinéir talún leis na hoibreacha beartaithe a dhéanamh) an áitribh
• Taifead ann de bheith ag cloí le rialacháin phleanála agus aon cheanglais chuí eile a bhaineann leis an údarás áitiúil.
• Ní mór go mbeidh gnólachtaí suas chun dáta i gcás Rátaí Tráchtála nó plean íocaíochta socraithe acu.

Sula gcuireann tú d’iarratas isteach, iarrtar ort na Treoirlínte d’Iarratasóirí a ghabhann leis an bhfoirm seo a léamh le bheith cinnte go gcomhlíonann tú na critéir cháilitheachta don scéim.